Glo jy wat jy Glo? / Do you believe what you believe?

Inleiding:

Die gedagte dat ‘n mens nie moontlik kan glo wat jy glo nie, kan moontlik absurd klink. Maar, dit is nie ‘n nuwe verskynsel nie. Deur die ewe het daar selfs in die Bybel se geskiedenis is daar helde se geloof getoets. Ek dink onmiddellik aan die Profeet Elia wat in 1 Konings 18 die Baal priesters van kant maak, en toe Koning Agab se vrou Isébel hom laat weet dat sy hom gaan dood maak, het Elia gevlug in die woestyn en gebid dat die Here hom maar moet laat sterwe. Toe die pop ster, Barry McQuire in die 60’s tot bekering kom, het hy alleen in sy kamer gebid en gesê, Here ek glo nie dat U ‘n werklik is nie, maar as U nie werklik is nie, moenie vir my sê dat u is nie. Dan is daar natuurlik Thomas die dissipel wat nie wou glo dat Jesus werklik opgestaan het uit die dode nie. Hierdie voorbeelde wys dat twyfel ‘n deel van ons as mens is.

Skriflesing:

Luke 7:20 En toe die manne by Hom kom, sê hulle: Johannes die Doper het ons na U gestuur en gesê: Is U die Een wat sou kom, of moet ons ‘n ander een verwag?

Gebed:

Here, sal u ons asseblief help om U Woord te hoor. Seën asseblief die bediening van Woord. Amen.

Agtergrond:

Ek moet onthou dat Johannes die Doper is deur God vir sy ouers Sagaria en Elizabeth gegee juis om die pad te baan vir Christus Jesus se koms na die aarde toe. Johannes is die enigste voorbeeld wat ek van weet wat reeds in sy moederskoot met die Heilige Gees vervul sou word. Dit is ook Johannes die doper wat vir Jesus gedoop het, en God se stem gehoor het wie gesê het, “Hierdie is My Seun, in wie ek ‘n Welbehae het” (Mat 3:17) Johannes beland in die gevangenis terwille van die bediening van Jesus. Hierdie drukking wat op Johannes toegepas word, veroorsaak dat hy begin twyfel.

Hoe sal ons Glo?

Enige vaardigheid, of dit sport, musiek, naaldwerk of kookkuns is, verg studeer en inoefening. Geloof is nie ‘n uitsondering nie. Dit moet ingeoefen word totdat jy oorwinning behaal. Daardie eerste oorwinning, help ons om voort te druk om nog ‘n oorwinning te behaal. Wanneer ons dan weer in persing beland, dan word die getuienis van ons vorige oorwinning die spring-bord om ook dan die nuwe uitdaging aan te durf. Openbaring 12:(11) En hulle het hom (Satan) oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie.

Die sielkundiges verduidelik dat sukses broei sukses. Hoe meer jy sukses beleef, hoe makliker is dit om nuwe uitdagings aan te durf.

Wat is die proses?

Die sang-groep, Prophet, skryf in hulle een liedjie dat geloof is soos ‘n Moerbeiboom. Hoe meer Moerbei bome jy plant, hoe grootte sal jou geloof wees. Hulle praat in die liedjie van Oom Pierre le Roux wat 5 uur in die more Moerbei bome plant in sy binnekamer.

Eerstens:

Wat sê ek? Dit is nodig om ‘n verhouding met die Here te hê! Ek is seker dat dink, ag nee, nie alweer dit nie! Verdra my net ‘n oomblik. Om te gesels met Jesus Christus is aanvanklik net so ongemaklik soos wat dit wat dit aanvanklik was om met jou vriendin of vriend te gesels. Maar, met oefening, word die makliker, en wanneer jy vrymoedigheid kry, word dit onkeerbaar. Baby steps! COME, NOW IS THE TIME TO WORSHIP!!!

Tweede:

Ons moet leer om te vra! Dit klink so “stupid” natuurlik vra ons. Maar doen ons?

Daar is twee redes hoekom ons nie ontvang wat ons vra nie.

1. Jakobus 4:3 Julle bid en julle ontvang nie, omdat julle verkeerd bid, om dit in julle welluste deur te bring. Hierdie skrif verwys na mense wat in sonde lewe en bid om hulle welluste te bevredig. Onthou! God word nie deur ons werke beïndruk nie!!

2. Die Bybel sê julle ontvang nie, want julle vra nie! (Matthew 7:7-8

(7) Bid, en vir julle sal gegee word; soek, en julle sal vind; klop, en vir julle sal oopgemaak word.

(8) Want elkeen wat bid, ontvang; en hy wat soek, vind; en vir hom wat klop, sal oopgemaak word).

Ek wil my verstout en u vra, hoekom bid u nie self en vra u nie? Ek vra weer, why don’t YOU ask?

Pastoor, gemeente, bid vir my. BID SELF!!! Jakobus 5:13 sê die wat ly, moet bid. Jesus wil jou hoor. Jy is onder druk, sodat jou hoop in Christus kan word, hoe help dit as ek in jou plek moet bid??

(Romeine 5:4-5 (4) en die lydsaamheid beproefdheid en die beproefdheid hoop; (5) en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is).

Wanneer ons bid en ontvang, dan begin hierdie baby steps in ons verhouding met Jesus. COME, NOW IS THE TIME TO WORSHIP!!!

Jesus antwoord Johannes

Jesus is nie kwaad vir Johannes nie! Jesus sê: Luke 7:22 En Jesus antwoord en sê vir hulle: Gaan vertel aan Johannes wat julle sien en hoor: blindes sien weer, kreupeles loop, melaatses word gereinig, dowes hoor, dooies word opgewek, aan armes word die evangelie verkondig.

Johannes, moet nie worry nie! Jy het jou werk gedoen, die Seun van God is in beheer. Ontspan, God se doel word volbring!!

Opsomming:

Deur geloof in Jesus Christus, kan ons oorwin. Dit begin met Baby Steps. Leer om met Jesus te praat oor jou behoefdes. Leer om met Jesus te praat oor jou swakhede. Die doel van die Kerk is om u te help om onafhanklik te raak. Die kerk moet uiteindelik ‘n plek word waar u slegs heen gaan om Jesus se Naam te verheerlik, om God te prys en aan Hom Hulde te bring. Om ook dan ander te deur hulle Baby steps te help!! Amen